قصه ياعمى
الهمجى ده فى بيت واحد .. خلينى قاعدة هنا
يبنتى ما انتى قعدتى امبارح و النهاردة معايا .. و بعدين مراد مش همجى و لا حاجة هو عمل كل ده عشان بيغير عليكى
و لو .. بردو شخص همجى و عصبى و ايده سابقة راسه و مش بعيد ارجعلك بعد كام يوم و انا وشى وارم و لا دراعى مكسور
لا لا نتكلم جد بقا .. مراد ميعملش كدة مراد متربى احسن تربية اه و انا واثق انه ميعملش كدة ابدا .. صحيح انا مبطيقهوش و بهزءه فى الرايحة و الجاية بس منكرش انه راجل محترم و جدع و هيصونك .. و إلا مكنتش جوزتك ليه من الاول يا يارا
قالها مراد و هو طالع من المطبخ و ماسك خيارة فى ايده
اسكت انت يا حيوان
حاضر
رجع تانى ع المطبخ و بابا بصلى و قال
يلا يا حبيبتى استهدى بالله و قومى روحى مع جوزك
فجأة سمعنا صوت غطا حلة وقع ع الأرض
سيب حلة المحشى اللى جوة يا حيوان
جه صوت مراد من المطبخ
يا حاج بنتك مجوعانى و كل اللى طالع عليها مبعرفش اطبخ مبعرفش اطبخ .. اومال الأكل ده كله ايه
طب ايه رأيك بقا انا مش هطلع من البيت ده و مش رايحة معاه فى حتة
بعد خمس دقايق ..
قلل سرعة العربية شوية احنا مش فى سباق
حاضر
و وطى صوت الاغانى
حاااضر
انت بتجز على سنانك ليه .. مش كفاية جاية معاك بالعافية و كمان مش مستحملنى
يستى انا عملت حاجة انتى غاوية جر شكل و خلاص .. خفى شوية ها .. خفى شوية انا منستش ندالتك امبارح بالليل
احسن تستاهل
بصلى بغيظ ف الاول و بعدين سكت شوية قبل ما يبتسم
life is hard لكن چمييييلة
يا شيخ اتنيل
مستمتع حتى و انا broke حياتى نكتة joke دام معايا هالأميييرة
قرصنى من خدى فبعدت ايده
بس بقا يا مراد
خلاص بقا يا يارا متبقيش قفوشة كدة الله
انت رايح فين ده مش طريق البيت
هو انا مقلتلكيش .. استأذنت النهاردة من الشغل بالعافية و الله بالعافية بس مش مهم
عشان اخدك افسحك شوية
اشمعنا
عادى يعنى بقالنا كتير مخرجناش مع بعض
ماشى
كنت مبسوطة من جوايا انا فعلا بقالى كتير متفسحتش بس طبعا مبينتش روحنا السينما و دخلنا فيلم كوميدى غيرلى مودى الۏحش
عمي ميصحش
و ضحكنا كتير و بعدين اتعشينا فى مطعم و فى اخر اليوم على الساعة 11 بالليل روحنا قعدنا اودام البحر
اتبسطتى
ايوة .. شكرا
ابتسملى و بعدين قال
الحمدلله اول مرة متعترضيش على حاجة
ابتسمت و مردتش فكمل
مع انى عارف انك بتعترضى لمجرد انك تعاندينى و خلاص
بصتله و قلت
ببقى رخمة
أوى
كشرت فقال بسرعة
بس قمر
انتى لسة بتكابرى يا يارا .. مع انك لو اديتينى و اديتى نفسك فرصة مش هتخسرى حاجة
بردو مردتش .. و انا عارفة كويس إن سكوتى بيضايقه
ابتسامة صغيرة اترسمت على شفايفه و ضړب كتفى بكتفه و هو بيقول
خاېفة تحبينى
بصتله بحيرة .. ايوة خاېفة احبه .. و خاېفة اتعلق بيه .. و خاېفة احس انى استسلمت للأمر الواقع و اتفرض عليا انى احبه و خلاص عشان اعرف اكمل معاه حياتى اللى مختارتهاش دى رفعت حاحبى و قلت
انت مش خاېف تحبنى
انا مبخافش من حاجة
كان بيتكلم بثقة .. بصراحة عجبتنى
و مش خاېف احبك .. ونتى تتحبى
عينيه مكانوش بيكدبوا .. و كان فيهم لمعة جميلة حسيت انى تايهة تانى .. مش عارفة اسمع قلبى و لا عقلى
حتى بعصبيتى و عنادى دول اتحب
حتى بجنانك و لسانك اللى عايز قصه ده تتحبى
روحت وقفت اودام البحر ببص ع المية و هى بتلمس رجلى و جوايا الف شعور مش عارفة افسرهم .. و هو كان لسة قاعد على الصخرة مكانه و بيراقبنى .. و اظن إن هو كمان حالته كانت زيى
_____________________
رجعنا البيت على نص الليل دخلت اخدت دش سريع و
طلعت كنت واقفة فى المطبخ بشرب فى أمان الله لما سمعت فجأة مراد پيصرخ من الحمام و حسيت بحاجة تقيلة بتقع ع الأرض جريت ع الحمام لقيت الباب مفتوح و مراد واقع ع الأرض
اااه يا ضهرى يانى
فى ايه
مش عارف فى حاجة كانت بتزحلق ع الأرض
وشى بهت و انا بفتكر الشامبو بتاعى اللى وقع منه شوية ع أرضية الحمام كتمت ضحكتى
و قال بعصبية
نسيت يا رمضان مبتنساش
و ليكى عين تهزرى
سابنى و لقيته هيقوم روحت جريت ناحية الأوضة بتاعتى و انا بضحك بصوت عالى قفلت باب الأوضة بتاعتى و فضلت واقفة وراه و انا بضحك
افتحى يا بت
لأ
بقا انا مجرمين و رجالة بشنبات ركبهم بتخبط فى بعضيها لما يقفوا اودامى .. ونتى و ابوكى ماسحين بكرامتى الأرض كدة
صوت ضحكى علا
