جبروت حماتي وجوزي عليا _كاااااااامله

الفاضي ده...
لوت ام شهد بوقها وقالت بغيظ _
والله مكنش ليه لزوم اطلعي ي اختي السطوح هتلاقيه مليان بط وفراخ وحمام بس انا بنتي عودها فرنساوي والشباب اليومين دول بيحبو البنات الخفيفه....
قلق ابو شهد لا تحصل مشكله وقال _
تسلمي يا ام محمد من يد ما نعدمها ي اختي...
وبعدين بص لسعيد اللي كان قاعد ساكت وسأله _
اي اخبارك يا سعيد يا ابني متتكسفش كده واتكلم معايا انا في مقام ابوك...
بص سعيد لمامته وقال بضيق _
لا عادي بس مفيش حاجه اقولها يا عمي...
ابو شهد _
ي زين ما ربيتي ي ام محمد ربنا يفرحك بيه...
ام محمد _
احنا علي معادنا ي ابو شهد اخر الشهر الفرح احنا عايزين نفرح بالعيال ومش عايزين تأجيل...
رد عليها ابو شهد _
ربنا ما يجيب تأجيل ي اختي احنا اهو بنلم في الجهاز بتاع البنت وعلي اخر الشهر هنكون جاهزين...
ام محمد _
سايقه عليك النبي يا اخويا متكلفو نفسكم علي حاجه زياده او فوق طاقتكم احنا اهل واهم حاجه عندنا ان العروسه تبقي متربيه زي بنتك كده...
ردت عليها ام شهد وقالت _
ربنا يكرم اصلك ي ام محمد بس ده حق بنتي ولازم تطلع من بيت ابوها باللي نفسها فيه...
لوت ام محمد بوقها وقالت _
اومال ي حبيتي مش اول فرحتكم حقكم تقولو كده عقبال متفرحو بأخواتها هما كمان...
ام شهد _
ربنا يخليكي ي حبيبتي...
_ كان سعيد قاعد متدايق وكل ما يبص لشهد يولي وشه الناحيه التانيه وهي خدت بالها بس اتكسفت تقول لاهلها حاجه وسكتت...
_ وعدت الايام وجه معاد فرح شهد وسعيد وكانت شهد متعرفش حاجه عنه غير اسمه هو متكلمش معاها خالص ومكنش بيكلمها في الموبيل لانه متدين ومبيحبش الحاجات دي قبل الجواز واول ما اتقفل عليهم باب شقتهم لقيته دخل وقعد ع الكنبه وقال..
سعيد _
بصي يا بنت الناس انا بصراحه كده مكنتش موافق بالجوازه دي وامي هي اللي جابتك ليا فانتي هنا عايشه برضا امي هتراضيها هتقعدي هتزعليها اللي هتعمله فيكي مش هقدر اقولها حاجه...
شهد بدموع _
انت مكنتش عايز تتجوزني طيب لي كملت معايا لحد الفرح...
سعيد _
عشان مقدرش اقول لامي مش عايزك واهي جوازه وخلاص مكلفتناش حاجه...
بكت شهد ومكنتش عارفه تقولو اي ودخلت اوضتها وغيرت الفستان وبعدين جه سعيد وكانو لسه هينامو الباب بتاع شقتهم خبط...
سألته شهد بقلق _
هو مين اللي بيخبط علينا دلوقتي...
سعيد _
مش عارف هطلع اشوف مين وجاي..
_ طلع سعيد فتح الباب ورجع ليها تاني وقالها بصوت واطي..
سعيد _
اطلعي شوفي امي عايزاكي ومتقوليلهاش علي حاجه لا...
_ استغربت شهد من كلامه وخوفه من مامته وبعدين طلعت وراحت تشوف حماتها عايزه اي ولما طلعت لقيتها واقفه وحاطه ايدها في نصها وقالت..
ام محمد _
لقيتك متعرفيش في الاصول قولت اطلعلك بنفسي..
قلقت شهد من كلامها وسألتها_
لي بس كده يا حماتي انا عملت اي بس...
ام محمد پحده _
هو مش الاصول مدام انتي داخله في بيت عيله تنزلي لاهل جوزك من الاكل اللي جيباه ليكي امك..
ردت شهد عليها _
انا كنت هنزالكم الصبح والله..
ام محمد _
لا احنا عايزين دلوقتي احنا مطبخنااش حاجه ومعتمدين علي اللي هتجيبه امك واسم النبي حارسه محمد ابني اخو جوزك الكبير جعان يلا بقي ادخلي هاتي الاكل وخلي منابك انتي وجوزك..
ادايقت شهد بس هي كانت عارفه انها لو اتكلمت جوزها مش هيجي معاها ومحدش هيجي معاها فقالت لنفسها مش مهم موقف ويعدي وراحت جابت الاكل لحماتها واخدته حماتها ونزلت وبعدين دخلت عند جوزها وناموا....
_ وتاني يوم الصبح راحولهم اهل شهد امها وابوها واخواتها وامها خدت بالها ان سعيد قالب وشه فدخلت المطبخ ورا شهد اللي كانت بتعملهم حاجه يشربوها وسألتها..
ام شهد _
مالو جوزك يا بنت يا شهد انتي زعلتيه في حاجه ...
ردت عليها شهد بحزن وقالت _
لا ابدا والله يا ماما بس....
ام شهد بقلق _
بس اي ي بنتي قولي...
خاڤت شهد تقولها علي اللي قالو ليها سعيد او اللي عملته حماتها فتحصل مشاكل من اول يوم جواز واختارت كالعاده انها تسكت وردت علي مامتها وقالت...
شهد _
مفيش حاجه يا ماما هو بس طبعه كده...
ام شهد _
مش مهم يقلب وشه يقلبه المهم انه يبقي كويس معاكي وميزعلكيش...
لوت