جبروت حماتي وجوزي عليا _كاااااااامله

في مصروف البيت...
شهد _
طيب انا اشتغل ايه ما انتي عارفه ي حماتي اني واخده دبلوم بس مين هيرضي يشغلني عنده..
ام محمد بخبث _
انتي متشغليش بالك انا هجيبلك شغل وفلوسه حلوه كمان...
شهد _
فين طيب وهشتغل ايه..
ام محمد بهدوء _
هتشتغلي في بيت ناس اكابر تروقي وتنضفي..
نزلت دموع شهد وقالتلها _
لا مستحيل انا اشتغل في بيت حد....حماتي يوم صبحيتي شغلتني في البيوت
شهد پبكاء  
لا انا مستحيل اشتغل عند حد...
ام محمد پحده 
لا هتنزلي والنهارده كمان انا هكلم صاحبة المكتب تظبطلك الشغل...
_طلعت شهد شقتها ومعاها سعيد جوزها اللي كان بياكل في ضوافره وساكت...
شهد بدموع _
وبعدين يا سعيد انت هتفضل ساكت..
سعيد بضيق _
وانا اعمل ايه مانتي شايفه الظروف لوحدك اهو يا شهد...
شهد_
يعني هتسكت وهتسيب مراتك يوم صباحيتها تشتغل في البيوت...
قعد علي الكنبه رد عليها ببرود _
عادي يعني يا شهد الشغل مش عيب...
شهد پحده _
هو انت ايه معندكش نخوه ده اخوك وقف قدام مامتك وضمن حق مراته وخلاها خدت ايصال امانه علشان ميزعلهاش وانت مش هاين عليك تقولها مينفعش مراتي تشتغل في البيوت حتي علي الاقل دلوقتي وانا لسه عروسه..
رد عليها سعيد وزعق فيها وقال _
يوووه بقي ياا شهد بصي امي عندك تحت عايزه تعترضي علي حاجه انزلي قوليلها...
شهد _
انا مش هنزل بس انا ليا اهل وهما اللي هيجو ويقفو ليك ولامك انا بنت ناس مش من الشارع عشان تعملو فيا كده..
_دخلت شهد اوضتها وكلمت مامتها في الموبيل وحاكتلها اللي حصل واټصدمت اكبر صډمه في حياتها لما مامتها ردت عليها وقالت..
ام شهد _
اعملي زي ما حماتك وجوزك عايزين...
نزلت دموع شهد وقالتلها _
ازاي يعني يا ماما انتي مستوعبه هما عايزيني اشتغل ايه...
ام شهد بعصبيه _
ايوه مستوعبه استوعبي انتي بقي الهم اللي احنا رمينا نفسنا فيه عشان نجوزك ونفرح بيكي...
شهد پبكاء _
هم اي بس يا ماما هو في هم في الدنيا اكبر من اللي انا فيه...
ام شهد پحده _
ايوه في هم ابوكي اللي نزل بقاله يوم بحاله بيلف علي خلق الله قرايبنا اللي هنا وهناك عشان يلاقي حد يسلفه قسط الاجهزه الكهربائيه اللي جيبنهالك...
شهد _
طيب ليه جوزتوني مدام هتتداينو كده كنتو خلتوني قاعده معاكم بدل ما انتو اتذنقتو وانا كرامتي اتبعترت هنا...
ام شهد بحزن _
وبعد ما نقعدك جنبنا تبوري وتوقفي حالك وحال اخواتك وراكي اقفلي يا شهد وروحي نفذي كلام حماتك اتعودي علي حياتك ومع الوقت هتعرفي تتعاملي معاهم وترتاحي وتطبعي منهم...
شهد _
كتر الف خيرك يا ماما انا بجد اسفه اني كلمتك وربنا يفك زنقتكم ويسامح اللي ظلم التاني...
_قفلت مع مامتها وفضلت تبكي وعدي اكتر من ساعه وهي قاعده پتبكي ومحستش بالوقت وبعد شويه فتحت حماتها عليها الباب وقالتلها پحده...
ام محمد _
انتي لسه قاعده عندك ياا بت انتي...
وقفت شهد وردت عليها بحزن وهي باصه للارض _
نعم يا حماتي اؤمريني...
ابتسمت ام محمد بخبث وقالتلها _
ايوه كده تعجبيني البسي عبايه سمرا علي البجامه الطويله دي وتعالي معايا عشان اوصلك الشغل...
نزلت دموع شهد بحزن كبير وردت عليها وقالت _
حاضر يا حماتي جايه وراكي اهو...
_ مشيت حماتها وراحت هي غيرت البجامه ولبست ديرس حلو وعملت حجابها بشكل جميل وطلعت عبايه بتاعت بيت واسعه وحطتها في شنطتها وطلعت لحماتها اللي اول مشافتها لوت بوقها وقالت...
ام محمد _
ايه اللي انتي لابساه ده يا بت انتي هو انتي فاكره اني واخداكي افسحك فوقي يا اختي انتي رايحه تشتغلي في بيت تروقي وتنضفي مش تضايفي...
ردت عليها شهد بهدوء 
مش معايا هدوم غير زي كده انا عودي نحيف والعبايات السمرا مش بتليق عليا فما جبتش منها...
ام محمد بضيق _
طيب تعالي ورايا انجزي يلاا..
_ نزلت معاها شهد واخدو تاكسي وراحو لمكتب الخدمه واول ما شافتها صاحبت المكتب قالت..
الست _
بسم الله مشاء الله يا ام احمد مرات ابنك حلوه اووي انتي مش خاېفه عليها من شغل البيوت..
ردت عليها ام محمد بسخريه وقالت _
ويفيد بايه مش نفعاني بحاجه ومسهتنه كده ومش فاهمه اي حاجه يا ابله سيده..
سيده بهدوء سالت شهد _
انتي عندك كام سنه يا شهد..
ردت عليها شهد بصوت حزين _
عندي 18 سنه...
سيده بضيق قالت ل ام محمد _
لا ملكيش