قصه وعبره

مصدقه اللي انا سمعاه وبقيت في حيره ما بعدها حيره امال مين اللي انا قابلته ده !!
هو انا كنت بحلم ولا بتوهم بس الورقه دي مين اللي إدهالي 
روحت البيت وحكيت لجوزي علي كل القصه دي واللي ماكنش مصدق منها حرف بس انا طلبت منه أنه ينزل مصر يسأل علي محمود عند أصحابه بس هو اعتبر إني بخرف ورفض 
إضيقت من رده فعله وبقيت ألعن الأرض والشړاكه اللي بينه وبين أخوه اللي اتسببت في أن أبني يبعد عن حضڼي

عدت الايام وابني مرجعش وفي ليلة كنت قاعده قدام الراديو اللي شغال على إذاعة القران الكريم كنت السوره اللي شغاله سوره الجن 
وفي واحد من المشايخ بيفسر معني آيه من السوره 
والآية دي لفتت انتباهي جدا لانها كانت 
وأنا منا الصالحون ومنا دون ذلك كنا طرائق قددا 
الشيخ قال تفسير الآية 
وأنا منا الصالحون وهم المسلمون العاملون بطاعة الله 
ومنا دون ذلك ومنا دون الصالحين يعني الكافر
كنا طرائق قددا يقول الحق سبحانه وتعالى على لسان الجن نحن أهواء مختلفة وأجناس مختلفه منا المؤمن والكافر 
دماغي بقت بتربط اللي سمعته باللي حصل معايا والورقه ولأن معرفش كتيرعن العالم ده جسمي قشعر لمجرد الفكره ومبقتش مصدقه هل ممكن أكون قابلت حد منهم فعلا 
أبني بعد فتره رجع البيت واتفاهم مع أبوه واتحلت المشكله وعمل اللي يرضيه ولكن انا لما سالت أبني انت كنت فين لما سبت البيت قالي إنه سافر وكان قاعد عند واحد صاحبه في القاهره 
تمت 
القصه دي مش مؤلفه القصه من قصص المتابعين وانا قومت بإعاده صياغتها واللي صاحبتها بتأكد إنها حصلت معاها فعلا وأكيد إنت ليك كل الحق في تصديق أو تكذيب القصه 
بقلمي سيد مصطفى
وللمزيد متابعه وادخل صفحتي الشخصية سوف تجد جميع القصص والمقالات الرايعه والمميزة