قصه كامله

مبسوط إنه شافهم وقال عاملين إيه يا حبايبي 
ردوا عليه بفرحة الحمد لله أنت مش هتاخدنا بيتنا يا بابا
بقلم إيسو إبراهيم 
رد رضوان إن شاء الله يا عيوني
طلعت رانيا واتنهدت لما شافتهم كدا وحب والدهم لهم قدمت القهوة وهي بتقول اتفضل 
قالها تسلم إيدك.. اقعدي 
بعد حيرة وتردد قعدت بدون ما تتكلم فقال لولاده ادخلوا العبوا جوا يا حبايبي 

دخلوا جوا وهو قال لرانيا أهلك مش هنا ولا إيه 
ردت عليه بدون ما تبصله لأ بابا وماما عند الدكتور عشان والدي 
قال رضوان بعد صمت دقيقة أنا رديتك 
بصتله رانيا پصدمة إزاي 
ولا هو تطلقني وقت ما تحب وتردني وقت ما تحب لأ وكمان فوق دا كله متجوز واحدة كمان وطول الشهرين اللي فاتوا قلقانة عليه وروح عند شغله وأسأل عليه كل يوم ومش كنت بتروحه وأنت ولا كان على بالك حاجة سبتني أنا وعيالك وروحت اتجوزت وكمان تلاقيك مخطط نورا اللي اتجوزتها دي هتعيش معايا 
أنا مش موافقة أرجعلك تاني يا رضوان خليك مع مراتك اللي اتجوزتها عليا وعيالك مش همنعك من شوفتهم ولو عايزهم يقضوا معك اليوم كله مش هعترض.. كفاية تعب أعصاب ونفس أكتر من كدا 
رضوان بقلة حيلة أنا ماتجوزتش نورا أصلا 
رانيا پصدمة يعني إيه 
رضوان يعني نورا مش مراتي 
بصتله رانيا پصدمة وقالت اومال عايش معها إزاي اوعى يكون اللي في بالي 
رضوان لأ ماتفهميش غلط 
وقفت رانيا بعصبية وقالت اطلع براااا 
يا ترى إيه حكاية رضوان ونورا 
واية سوء الظن الفصل السادس 6 بقلم إيسو إبراهيم
رضوان يعني نورا مش مراتي 
بصتله رانيا پصدمة وقالت اومال عايش معها إزاي اوعى يكون اللي في بالي 
رضوان لأ ماتفهميش غلط 
وقفت رانيا بعصبية وقالت اطلع براااا 
رضوان بقلق من صوتها وإن عيالهم يشوفوا خناقهم قال وطي صوتك يا رانيا.. أنا ماينفعش أتجوز أختي في الرضاعة 
بصتله رانيا بعدم فهم أختك في الرضاعة أنت بتضحك عليا يا رضوان احنا بقالنا ست سنين متجوزين وماعرفش الموضوع دا وكمان لو هي أختك زي ما بتقول أخوك حامد ماعرفهاش ليه 
يا بنتي ما هو أول ما شافها حس إنه عارفها بس مش افتكرها لأنها كانت متجوزة في محافظة تانية وهي عندها 20 سنة واتطلقت بعد عشر سنين جواز يعني بقالها تلات شهور مطلقة أهو والفترة اللي فاتت كنت عايش مع والدتها اللي رضعتني كانت جارتنا وكدا 
ولما روحت هناك كان بقالها شهر مطلقة ولما حكيت لهم اللي حصل معنا والمشاكل اللي كانت بتحصل معنا قالولي ابعد فترة وأبعد عن البيت وأفكر صح عشان أعرف مين
اللي غلط ومين اللي بيعمل مشاكل فكنت بفتكر كل حاجة عدت قبل جوازنا وبعد جوازنا 
رانيا پصدمة يعني دا كله عيشته معايا ولسه ماعرفتنيش ولا عرفت طبعي يعني كنت مفكر إني اللي بعمل المشاكل 
رضوان في الأول قلت دي غيرة ما بينك وبين زهراء يعني كانت بتفضل تتصعبن قدامي وتطلعك الغلطانة آسف كان سوء ظن مني ليكي بس لما بعدت الشهرين دول عرفت مين الطيب ومين الخبيث حقك عليا 
وبعدين نورا حبت تعلم زهراء الأدب فاقترحت عليا إن أقول إنها مراتي وأطلقك دا عشان تقوي شوية وتعرفي تاخدي حقك وتدافعي عن نفسك والسبب التاني عشان تعلم زهراء الأدب وتظهر حقيقتها 
سامحيني أنا عارف إني جيت عليكي كتير ودايما