اتبرعت لخطيبي بكليتي الحلقة الثانية
فيكي ابدا ليه يابنتي كده ده مفيش منه رجا ده طول عمره واد بايظ ومش نافع في اي حاجه
ريم
ياماما ارجوكي بقا بلاش الكلام ده اومال انا كنت بتبرع له بكليتي ليه مش عشان يرجع كويس ونتجوز واعيش ومعاه
الام
وانتي فاكرة بقا ان ابوكي هيوافق اذا كان ده قاطعك وقاطع اخوه بسبب المنيل على عينة ده انا مش عارفه هو فيه مخليكي متمسكة بيه اوي كده
عشان اول مافتحت عنيا على الدنيا لقيته هو وبس الراجل الوحيد اللي في حياتي ومش عارفه اشوف غيرة
الام
مفيش فايده انا مستغربة واحده شابه جميلة ومثقفه زيك تفضل متمسكة لواحد عمال يوعدها خمس سنين بحالهم انه هيتجوزها ومش عارف اصلا يتجوزها انتي انسانة غريبة
ريم
انتو شايفين اني غريبة ياماما انما انا كده ومش هتغير ابدا وهفضل احبه لحد اخر يوم في عمري
ازيك ياريم عامله ايه ياقمر بقولك ايه انا عايزة اشوفك ضروري
ريم
ليه يا إيناس هو في حاجة ولا ايه ياحبيبتي وبعدين ماحنا بكرة في الشغل هنتقابل ونشوف بعض انتي عايزني اشوفك فين
إيناس
لا لا بلاش في الشغل انا عايزة اشوفك عندي في البيت ماتيجي نشرب قهوة سوا ونقعد نتكلم مع بعض كلمتين كده
طيب ياحبيبتي خلاص بكرة اجازة من الشغل ان شاء الله هجي لك اقعد معاكي شويه
ورحت لايناس اللي رحت بيا وقولت لها
ايه يابنتي في ايه قلقتيني هو ايه الحكايه انا حاسه كده يابت يانوسه ان الموضوع كبير
إيناس
طول عمرك ناصحة ياريم بس مش دايما عشان بس متتغريش
ريم
لا ياحبيبتي انا اتغر زي مانا عايزة براحتي ههههه قولي لي بقا في ايه
بصي هو انا مش عارفه اجيب لك الموضوع ازاى بس يعني هحاول ادخل في الموضوع علطول وكده
ريم
الله في ايه ياحجة ماتقولي علطول
إيناس
بصي هو احنا في عندنا هنا في العمارة وبالتحديد في الشقه اللي قدامي دي واحده ست هي يعني ممكن تقولي انها كبيرة في السن شوية لكن مش كتير يعني تمام الست دي علطول بنشوف عندها رجاله كل فترة كده نلاقي راجل غريب داخل عندها
طيب وانا مالي يابنتي بالحكايه دي مش فاهمة وبعدين لما هي ست بتاعت رجاله كده واكيد شمال سايبنها في العمارة ليه
إيناس
ومين قالك اننا مش عايزينها تمشي احنا اصلا زهقنا منها ومن وجودها لكن مش قادرين نتكلم ونقولها تمشي لان الشقه ملكها
ريم
برضو انا مالي بكل ده يا إيناس مش فاهمة
إيناس
اصلي شوفت واحد بيدخل عندها كتير بقاله فترة بيجي وبيدخل عندها بيفضل وقت كبير وبينزل الشخص تقريبا يبقا ااااا
يبقا ايه يا إيناس كملي بسرعة وبلاش تعب الأعصاب ده
إيناس
الشخص ده يبقا خطيبك اللي انتي متصوره معاه وبتنزلي صوركم على الفيس
ريم
تقصدي نبيل لا لا لا ياشيخة ده اكيد اكيد
