قصة قوم لوط
سورة هود
سيدنا لوط كان عارف إنه تحت حماية الله الي أشد من أي ركن وأقوى من أي قوة .. لكن المقصود كان رغبته في أي حاجة فورية تمنع الناس دي من إيذاء الضيوف
ومن رحمة ربنا ومن صدق نية سيدنا لوط ربنا إستجاب فعلا لطلبه قبل حتى مايطلبه .. ف بعتله الحماية الفورية والقوة الجبارة قبل ما يتمناها ..
حبيبنا النبي لما كان بيقرأ الآية دي كان بيقول رحمة الله على لوط لقد كان يأوي إلى ركن شديد ..
إتحركت الملايكة وقامت قالوله ماتخافش يا لوط إنت فعلا تحت حماية ركن ربك الشديد .. إحنا ملائكة وربنا بعتنا هنا عشان ننجيك .. وقالوا لا تخف ولا تحزن إنا منجوك وأهلك إلا امرأتك كانت من الغابرين آية 33 سورة العنكبوت ..
وننفذ العڈاب على قومك ..قالوا إنا مهلكو أهل هذه القرية إن أهلها كانوا ظالمين .. آية 31 سورة العنكبوت
إلتفتت باقي الملايكة لسيدنا لوط وقالوله خد أهلك وأخرج من البلد فورا
ومحدش فيكم يلتفت ولا يبص ورا أبدا
هتسمعوا أصوات تهتز من فظاعتها الجبال لكن إوعوا تلتفتوا والي هيلف وشه ناحية القرية بعد ماتطلعوا منها هيصيبه من العڈاب زي الي هيصيبهم
ساعتها الملايكة بلغت سيدنا لوط إن زوجته كافرة .. هي صحيح هتخرج معاه هو وأهله لكنها كفرت وكانت من الغابرين ف هتلف وشها وهيصيبها زي الي هيصيبهم وبكده يتحقق العدل في إنها ماتهربش من العڈاب رغم الكفر ..
فأنجيناه وأهله إلا امرأته كانت من الغابرين .. آية 83 سورة الأعراف ..
وفي تفسير تاني بيقول إنها ماخرجتش معاهم اصلا يذكر إن سيدنا لوط بعد ماعرف إنها من الهالكين ما قالهاش إنه هيخرج .. والسبب إنه جاله الأمر الرباني في الآية فأسر بأهلك بقطع من الليل ولا يلتفت منكم أحد إلا امرأتك إنه مصېبها ما أصابهم هنا فسرها بعض العلماء إن المقصود باللإستثناء هو إستثناء امرأتك من فأسر بأهلك .. ف بعد مراعاة قواعد اللغة والبلاغة والمقدم والمؤخر .. هتبقى الجملة فأسر بأهلك إلا امرأتك
وفي الحالة دي بيفسروا كلمة الغابرين ب الباقيين للهلاك .. يعني الي قعدوا في البلد ووقع عليهم العڈاب .. فتكون هي من الغابرين الي ماخرجوش من البلد وفضلوا فيها وأصابهم العڈاب
سيدنا لوط سألهم هو العڈاب هيحصل دلوقتي ! و في تفسير القرطبي وابن كثير مذكور انه سيدنا لوط إستعجل العڈاب لقومه .. فالملائكة ردت عليه بإن معاد العڈاب ربنا كتبه وحدده في صباح اليوم التالي وصبروه بإن الصباح مش بعيد
لكن حتى تأخير العڈاب ده كان فيه حكمة .. الظاهر إن دي كانت مهلة لسيدنا لوط مش لقومه .. مهلة للنبي هو وأهله عشان
يبعدوا قدر المستطاع عن القرية قبل مايتحقق فيها العڈاب
فعلا فورا وفي ظلمة الليل خرج هو وبناته وقد تكون زوجته خرجت معاهم إبتدوا يمشوا بعيد لحد ما الصبح قرب ..
_
الصبح إبتدا يطلع والعڈاب إبتدا يحصل
جبريل بطرف جناحه إقتلع مدنهم السبعة ورفعها كلها لفووق في السما .. وبعدين قلبهم
