رجعت من السفر لقيت مراتي وابني في اپشع منظر ممكن تتخيلوه _الثاني

جاب الشرطه تيجي وتقبض عليا..
علي مسكه من هدومه وقال
يعني مش عارف ايه تللي جابك هنا عملتلك ايه مراتي ولا ابني عشان تعمل كده فيهم...
العسكري پحده 
اخرس انت وهو احسن. البيه يطلع وانتو الاتنين تترمو في الحجز..
عماد پصدمه 
ايه اللي انت بتقوله ده انت اټجننت انا اعمل ليه كده في واحده ما فيش بيني وبينها حاجه...
جهاد پحده 
اومال انت كنت فين يوم اللي حصل ده انا عرفت انك ما كنتش بايت في الشغل وكمان سمعت الباشا جوه مكالماتك وانت بتقولي اهدد اختي كنت عايز تعمل كده في اختي وتلبسني انا التهمه دي..
عماد بغيظ 
انتي عايزه توديني في داهيه والله تلاقي ما حدش غيرك اللي عملها اصلا..
جهاد 
حرام عليك يا شيخ مش كفايه اللي عملته في اختي منك لله بس دلوقتي كل حاجه هتبان قدام الظابط..
العسكري پحده 
اخرس منك ليها وانتي يا مدام تعالي جوه الباشا عايزك..
_وفعلا بعد شويه كانت جهاد قاعده هي وعماد قدام الظابط اللي بصلهم وقال...
الظابط
قولي بقي يا عماد ايه ردك علي الكلام اللي قالته مراتك ده...
عماد پحده 
كدب يا باشا وافتري انا اصلا والله العظيم ما كنت اعرف هيام دي ساكنه فين ولا عمري روحت بيتها...
الظابط 
اومال انت كنت فين وقت ما وقعت الحاډثه كدبت علي مراتك وقولتلها انك كنت بايت في الشغلقولي بقي كنت فين..
بص عماد لجهاد بتوتر وقال
احمم اا انا كنت... كنت في بيت مراتي وكنت بايت عندها للصبح...
اټصدمت جهاد وقالت
ااايييه مرااااتك انت بتتكلم جد...
الظابط. 
لو سمحتي يا مدام اسكتي خالص وما تتكلميش غير لما اقولك..
وبص لعماد وقال
كنت فين بقي يا عماد في الوقت ده ومين مراتك دي وعنوانها ايه..
عماد 
هقول لحضرتك يا افندم بس اقسم بالله انا كنت بقولها تتخانق معاها عشان عارف ان هيام وجوزها طيبين وهيخافو وممكن يدوها فلوس وانا كنت مذنوق الفتره اللي عدت ومحتاج فلوس..
الظابط 
ويا تارا بقي لسه مذنوق ولا فرجت عليك..
عماد 
انا مقدم علي قرض في بنك شغال فيه واحد صاحبي وممكن اوريك الورق والله غير اني مراتي التانيه ساعدتني اسد اغلب ديوني وما بقتش مهتم الهانم تجيب فلوسها من اختها ولا لا..
الظابط
تمام احنا برضو هنأمر بحجزك تلات ايام علي ذمة التحقيق لحد ما نتاكد من كلامك ده..
عماد پخوف
ليه كده بس يا باشا والله العظيم انا قولت الحقيقه ومش بكدب في حاجه..
وبص لجهاد وقال
كله منك انتي السبب يتصرف فيكي ربنا يا شيخه...
في الوقت ده نده الظابط للعسكري اللي جه واخد عماد ووداه الحجز وجهاد طلعت وكان علي قاعد مستنيها ومعاه فتحي ولما شافها قام بسرعه وقال..
علي 
خير يا جهاد هو اللي عمل كده صح قولي انتي مالك مبلمه كده ليه..
جهاد بدموع
طلع. متجوز عليا مش عارفه هوو اللي عمل كده ولا لا بس انا ازاي كنت مخدوعه فيه كده ازاي صدقته..
علي بحزن 
اي طيب ووحدي الله وربنا كبير وهيظهر الحق ان شاء الله...
جهاد پبكاء
انا اسفه علي كل اللي حصل ده انا من يومي مش بجيب حاجه غير المشاكل انا اسفه يا علي لو كان الحيوان عماد هو اللي عمل كده في مراتك وابنك ووالله انا كمان موجوعه عليهم زيك بس هو اللي خلاني خسړت رضا ابويا زمان وخلي اختي تسيبني وهي زعلانه مني واخرتها راح اتجوز عليا..
علي بضيق
وحدي الله يا جهاد هي كانت برغم المشاكل اللي بينكم دي كلها بتحبك ومش بتزعل منك وانا متاكد انها مسمحاكي...
مسحت دموعها وقالت
ربنا يرحمها ويصبرنا علي فراقها انا همشي بقي هشوف هعمل ايه وهروح فين..
علي 
ماشي يا جهاد ومش هوصيكي لو محتاجه اي حاجه تكلميني تمام...
جهاد 
ربنا يخليك يا علي بعد اذنك...
_ قالت كلامها ومشيت وعلي قعد مدايق وقرب منه فتحي وقعد جنبيه وقاله..
فتحي 
والله يا ابني القضيه بتاعت مراتك دي تحير لو ما كانتش جهاد ولا عماد جوزها هيكون مين بس اللي ليه مصلحه يعمل كده..
علي بدموع رد عليه وقال
اكيد واحد مريض ما عندوش قلب انت عارف انا بسكت اسكت واشوفهم قدامي بشوف هيام وضحكتها الجميله وطيبتها وبشوف ابني كان نفسي اخده في حضڼي قبل ما اتحرم منه وانا السبب انا اللي سيبتهم ومشيت وما عرفتش احميهم من شياطين الدنيا وشرهم..
فتحي بحزن 
وحد الله يا جدع هما راحو عند اللي
احسن مني ومنك..
قام علي وقال
بيقولو التحقيق خلص في شفتي انا هرجع اقعد فينا بقي معلش تقلت عليك الفتره اللي عدت..
فتحي 
اقسم بالله يا ابن عمي لو قولت الكلام ده تاني لهزعل منك وبعدين من لما مراتي اطلقت وسابتني وانا قاعد لوحدي خليك قاعد معايا ونسني وشوف شقه تانيه غير دي عشان بس ما توجعش قلبك بعد اللي شوفته ده..
علي ابتسم وقال
انت فعلا اخويا يا فتحي واكتر كمان ربنا يخليك ليا ما بقاش فاضلي من الحبايب غيرك...
ضحك فتحي وقال
هههه طيب ربنا يستر بقي عشان انت بومه وناحس حبايبك جنبك...
_ ضحكو هما الاتنين ومشيو وبعد كام يوم راح علي كافي وقعد علي الترابيزه اللي قاعده عليها جهاد وقال..
علي
معلش يا جهاد اتاخرت عليكي كنت بس بخلص كام حاجه في الشغل خير ان شاء الله قولتي انك عايزاني..
جهاد بحزن 
انت عرفت ان عماد طلع براءه وما اثبتوش عليه حاجه..
علي 
ايوه عرفت ومدام ما اثبتوش حاجه عليه يبقي فعلا مش هو اللي عملها...
جهاد بدموع 
بعد ما طلع جه طلقني ورماني في الشارع بشنطة هدومي حتي امه اللي كانت كويسه معايا من بعد اللي حصل ده وساعدته يطلقني..
علي بضيق 
لا حول ولا قوة الا بالله العلي العظيم...
جهاد 
انا بس كلمتك عشان كنت عايزه اخد بيت بابا ايجار واقعد فيه..
علي 
يا بنتي انتي بتقولي ايه بعيد عن انك في مقام اختي بس ده حقك وانتي ليكي ورث في اختك اقولك علي حاجه انتي ليكي كل حاجه عند اختك..
جهاد بقلق
انت ايه اللي بتقوله ده يا علي لا طبعا انا مش هاخد حاجه من الفلوس دي بجد..
علي 
اسمعي يا جهاد الفلوس دي بتاعت ابوكي واختك وانتي تحق بيها مني ومحتاجالها اكتر انا كان اللي يهمني ويخصني وبتاعي هيام الله يرحمها وبس...
جهاد بدموع 
ربنا يبارك فيك يا علي انت فعلا ابن اصول ومتربي وليها الحق هيام تعشقك زي ما كانت بتقول...
_ وقبل ما يرد عليها علي موبيله رن برقم الظابط ورد عليه وبعدين قفل وسألته جهاد وقالت..
جهاد 
خير ان شاء الله الظابط اللي كان بيكلمك مش كده...
علي بقلق 
ايوه هو بيقولي في حاجات جديده في القضيه ولازم اروح هناك..
جهاد 
طيب استني انا جايه معاك...
_ واخدها علي وراحو القسم وقابلو الظابط اللي كان مدايق جدا وقال..
الظابط 
والله انا مش عارف افتحلكم الموضوع ازاي..
علي بقلق 
خير يا افندم اتكلم اكيد اللي حضرتك هتقولو مش اوحش من اللي حصل لمراتي وابني يعني...
الظابط بصلهم وقال
طيب انتو تعرفو واحد اسمه اسر مندور..
علي بص لجهاد واستغربو وعلي قال
ايوه طبعا نعرفه ده كان خطيب هيام مراتي قبل ما نتجوز..
جهاد 
خير يا باشا انت كده قلقتني اكتر...
الظابط
انا اقولكم احنا فتحنا موبيل المدام هيام وقولنا يمكن نوصل لدليل للموضوع ده وفعلا لقينا ان علي موبيلها رسايل ټهديد كتير من الولد ده ليها وانها لازم تروحله بيته و...
قال علي بعصبيه 
راحتله مش كده وهو كان بيهددها بأيه اصلا... 
_ وبكدا خلصت حلقة النهارده