رجعت من السفر لقيت مراتي وابني في اپشع منظر ممكن تتخيلوه _الاول
بعد اللي حصل فيها..
علي
اومال يعني هروح فين بس وبعدين علي الاقل فيها ذكرياتهم اللي ما بقاش ليا غيرها..
فتحي
يا ابني اهو خليك قاعد معايا مونسني وانا لوحدي علي العموم طيب مش وقته الكلام ده ادخل بس ارتاح وريح جسمك لحد ما اجهزلك لقمه تاكلها وتنام..
علي بحزن
لا لا عشان خاطري اعفيني من اي اكل دلوقتي انا بس عايز انام..
ربنا يهون علي قلبك يا صاحبي هتلاقيها من اللي حصلك زمان مع امك ولا من اللي بيحصلك دلوقتي في مراتك وابنك..
_ وتاني يوم راح علي فعلا لظابط الشرطه وقعد قدامه في القسم وقال الظابط بهدوء..
الظابط
انا عايزك بقي يا استاذ علي تحكيلي كل حاجه عن اليوم اللي رجعت فيه..
والله ما في حاجه تتقال انا كنت مفهم مراتي اني هرجع بعد اسبوع وبعدين قولت لا انا ارجع بدري واعملهالهم مفجأه ووصلت العماره طلعت انا والبواب وكان معايا استاذ فهيم اللي ساكن قصادي واول ما فتحت الباب شوفتهم في الصاله وهما..
_ما قدرش يكمل كلامه وفضل يعيط والظابط قال بحزن..
الظابط
اهدي بس يا علي بيه وقولي هي المدام كان ليها اعداء ليها مشاكل مع حد انت نفسك ليك اعداء مع حد..
ما فيش حد ما لهوش اعداء بس مهما. كانت العداوه ما توصلش انها تخلي حد. يعمل كده في واحده زي هيام مراتي او ابني اللي كان لسه عنده تلات سنين..
الظابط
معني كلامك ده ان كان في اعداء برضو تقدر تقولي هما مين بالظبط..
علي
مش اعداء اوي دي يعني مشاكل اسريه كانت بين جهاد اخت مراتي ومراتي نفسها بسبب ورث ابوهم اللي سابه ليهم..
ايوه بقي ايه المشاكل دي بالظبط..
علي
عمي الله يرحمه كان عنده مصنع ملابس وكانت مراتي بتشتغل معاه فيه وفي يوم جات جهاد وطلبت ورثها وعني ادايق منها بس عملها اللي هي عايزاه. وقدرلها ورثها فلوس وادااه ليها بس خلاها تمضي عن تنازل عن المصنع لمراتي وهي عملت كده واخدت الفلوس وبعدها المصنع كبر جدا وعمي قابل وجه رب كريم هي بقي جات وطلبت ورثها وقالت ان ليها النص في الزياده اللي حصلت من لما المصنع كبر وان ده كله ملك ابوها وكده..
بس قدام القانون هي مالهاش حاجه اصلا دي مضت علي عقت التنازل...
علي
انا بعد ما سافرت الخليج مراتي قالتلي انها جات وعملت مشكله في العماره وقالت ان مراتي مزوره الورق ده كله وعملت مشكله اكتر من مره واخرهم قبل ما انا ارجع بيوم..
الظابط
طيب وفي شهود علي كلامك ده..
علي
اولا يا افندم انا مش بتهمها بحاجه دي اختها واكيد مش هتوصل بيها انها تعمل فيها كده..
الظابط
سؤالي واضح يا استاذ علي في شهود علي كلامك ده..
علي بضيق
اكيد. طبعا الجيران والبواب غير المحامي اللي راحت
