قصة امي حلفت علي المصحف كدب وحصلها؟ الاول
انت في الصفحة 4 من 4 صفحات
وهكون موجوده وبعدها نزلت
ودخل احمد المطبخ
شروق
كويس ان انت جيت يا حبيبي انا بعثت لمامتك علشان تيجي تتغدى معانا هي ويحيى عشان ما تزعلش يعني ان ماما واختي موجودين وهي لا
احمد
انتي عارفه ان ماما بتحب يكون على حريتها تحت كنت نزلت ليها اكل وخلاص
شروق
والله يا حبيبي اول ما عملت الغداء عملت كده بالظبط بس قولت لا مينفعش خليها تيجي هنا وخلاص
تمام يا حبيبتي انا داخل اغير هدومي وبعدها
دخل وفي شقه حماتي
يحيي
ايه القمر ده معقول منور بيتنا تاني هاخد على كده بقى ان انتي كل شويه هتيجي البيت هنا
ندي
والله انا عملت الغداء وقولت لا مينفعش احنا ناكل فوق وانتوا تقعدوا تاكلوا هنا لوحدكم
يحيي
بجد ده الاكل هيكون طعمه حلو قوي لما نطلع ناكل معاكم طيب هنادي ماما واجيلك على طول وبعدها دخل
بقول لك ايه يلا يا ماما علشان هنطلع نتغدى فوق عند احمد هم بعتولنا علشان ناكل معاهم
الحما
ومن امتى واحمد بيعمل كده اصلا وان كان هو ولا مراته
يحيي
ده مش هو ولا هي دي اختها ندى البنت دي شكلها جدعه قوي يا ماما بجد انا مش عايزه تروح من ايدي
الحما
هو انا شكلي احب البنت دي بجد ولا ايه طب يلا بينا تعالي لما نطلع فوق وبعدها طلعوا
وفي يوم كانت راجعه
شروق
هو انتي برده يا ماما مش عايزه تقوليلي انت شغاله في ايه
الام
هيفرق معاكي ايه يا شروق يعني خلاص كلها كام شهر وهاخد اختك ونمشي
شروق
يا ماما انا مش قصدي كده خالص انا بجد بكون متعذبه وانتي كل يوم بتصحي بدري وتنزلي تروحي على شغلك وبجد حاسه قد ايه انتي بتتعبي فعايزه اعرف واطمن انتي بتعملي ايه
بشتغل وخلاص يا شروق بقى مش عايزه كلام كثير المهم انا جبتلك شويه طلبات برده علشان احس ان انا بحط فلوس في البيت ده
شروق
والله يا ماما احمد عمره ما كان متضايق ان انت جيتي هنا وقاعده معانا
الام
ما هو يا حبيبتي مش عشان هو بس عشان امه كمان المهم انا داخله اغير هدومي
شروق
مش عايزه تكلي الاول يا ماما قبل ما تنامي
لا لا انا كلت متاخر في الشغل ومش جعانه يا حبيبتي سبيني بس انام امال فين اختك يا بت
مش سامعه صوتها ليه
شروق
نزلت عند حماتي مش عارفه فيه اي كل شويه
تجري علي تحت وبعدها دخلت الام
واتكلمت في التلفون
الام
الو ايوه يا مدحت يا حبيبي اي روحت ولا لسه
