جبروت حماتي _جزء الاول
حد وبعدين مين قالكم اني موافقه..
قام عادل وقال بعصبيه
انتي بتقولي ايه يا بت انتي هو انتي اټجننتي ولا ايه..
روحيه پحده
عندك يا عادل هو انت عايز تمد ايدك علي مرات البشمهندس احمد ده انا اكسرهالك انت بس فهمها بالراحه..
وطلعت فلوس كتير وقالت
وامسك الفلوس دي تجيبلها كل حاجه تخص العرايس واللي عايزه اطلبه وما تتكسفش المهم. تكون علي يوم الخميس جاهزه عشان كتب كتابها ودخلتها وتقديرا للمرحوم سيد ابوها مش هنعمل فرح..
اصيله يا حجه روحيه واحنا تحت امرك والله في اللي انتي تطلبيه...
قامت روحيه وقالت
هقوم انا بقي اتكل علي الله واسمع مرات ابني لو حد لمس منها شعره واحده هزعل..
نعمه
الا يا ست الناس هو احنا برضو نقدر نزعلك..
قربت روحيه من شيماء وقالت
انتي شكلك قويه وده اللي عاجبني فيكي اكتر مرات ابن روحيه لازم تبقي قويه سلام يا مرات ابني..
عادل
والله وطاقة القدر اتفحتلك يا بت يا شيماء..
شيماء بدموع
انا مش عايزه اتجوز انا عايزه اقعد هنا مع اختي واعملكم كل اللي انتو عايزينه..
نعمه قعدت جنبيها وقالت
يا بنتي اختك هتقعدلك العمر كله ما هيجيلها نصيبها وهتتجوز هي كمان وبعدين احمد ابن الحج روحيه ده بنات الحته كلها بتتمني بس يبصلهم..
انا مش هسيب اختي خلوني اتجوز واخدها معايا..
عادل پحده
تاخديها معاكي فين يا بت انتي اختك تقعد في بيت عمها معززه مكرمه لحد ما يجيلها نصيبها..
نعمه وهي بتمثل الحزن
وبعدين يا بنتي انا وعمك ربنا ما ادناش خلفه وهنعتبرها بنتنا وتقعد تونسنا لحد ما تتجوز..
شهد
هما معاهم حق يا شيماء ده عريس لقطه وانا هنا في بيت عمي معززه مكرمه لحد ما ربنا يريد ويجيلي نصيبي..
جدعه يا بت يا شهد يلا قومي يا شيماء اجهزي ومرت عمك هتاخدك وتجيبلك حاجات العرايس دي..
شيماء قلبها اتقبض وقالت
ماشي يا عمي حاضر..
_ وفعلا عادل ونعمه جابو حاجات كتير لشيماء وعدت الايام واتجوزت شيماء احمد اللي كان شاب شكله حلو ومتعلم وراحت معاه بيت روحيه وكانت واقفه بتبص للبيت بانبهار وروحيه قالت..
عجبك البيت يا مرات ابني..
شيماء
ايوه حلو جدا ده عامل زي الفيلا ازاي بيت زي ده موجود في حاره..
روحيه حطت رجل علي رجل وقالت
اومال يا حبيبتي مش بيت كبار الحاره واللي الكل هنا عايش من خيرنا..
شيماء
ربنا يزيدكم من نعيمه..
احمد
طيب ايه بقي يا ست الكل هنقضيها كلام ممكن اخد عروستي بقي واطلع اوضتي..
طبعا يا حبيبي وانتي اسمعي اوعي تزعليه خالص فاهمه ولا لا انا عندي الدنيا دي كوم وابني حبيبي كوم تاني...
شيماء
حاضر..
_ وطلعت شيماء فوق ومعاها احمد واول ما دخلو احمد قالها..
احمد
اقعدي يا شيماء انا عايزك في كلمتين الاول...
شيماء
نعم خير ان شاء الله..
احمد
انتي ازاي وافقتي تتجوزي واحد من غير ما تعرفيه...
شيماء
قول لنفسك السؤال ده انت
