قصه مشوقه
اذنك يا مدام بلاش الاسلوب ده وعلى العموم انتم جايين المفروض ليا انا مش لابني وابني واحد تعبان طول اليوم ومن حقه يجي يستريح حتى لو في ضيف جاي الضيف ده لو جاي لي كان استناه
نجلاء
يعني ايه يعني يا محمود وانا مش مرات عمه وده عمه يعني المفروض من باب الذوق انه يستنى على الاقل يسلم عليهم ويعتذر ويدخل ينام
محمود
نجلاء بعصبيه
شفت اخوك بيقول ايه يا سعيد انت بتطردني بقى يا محمود
محمود
العفو يا مدام انا كل اللي قلته اني ما اسمح لكيش انك تهيني بيه ولا انك تقولي عليه انه قليل الذوق هو مش عيل صغير
حقك عليا انا يا محمود ما تزعلش
سعيد بص لنجلاء
نجلاء اعتذري لو سمحت دلوقتي حالا
نجلاء بعصبيه
لا طبعا مش هعتذر ايه الكلام الفارغ ده
سعيد بعصبيه بص لها
بقول لك اعتذري
نجلاء بضيق
اسفه يا محمود واسفه لاحمد كمان حاجه تاني يا سعيد
سعيد
يا ريت تقعدي ساكته وما تتكلميش
محمود
لا يا سعيد سيبها تقولي اللي هي عايزاه البيت بيتها
محمود وسعيد ونجلاء
عليه افضل الصلاه والسلام
صفاء
تعالي يا بنت يا ساره سلمي على عمك ومرات عمك ومحسن
ساره بابتسامه
ازيك يا عم ازيك يا طنط ازيك يا محسن
محسن بابتسامه
الحمد لله يا ساره كبرتي اهو انا شايفك تقريبا من اخر مره كنت لسه في ابتدائي
ساره بابتسامه
ابتدائي ايه بقى ما خلاص الايام بتجري يا محسن خلصت ثانوي
دخلت الكليه ولا لسه
ساره
لا ما انا مش هدخل الكليه انا اكتفيت بدبلوم تجاره وخلاص يعني انا هعمل ايه بالشهاده
محسن
يبقى معاكي شهاده تقدري تشتغلي بيه
ساره
انا كده مريحه
دماغي بلا مذاكره بلا ۏجع دماغ
سعيد
كويس يا بت يا ساره اه قاعده بتساعدي امك
صفاء
ساره دي ايدي ورجلي في الشقه ما اقدرش اعمل حاجه
احمد
السلام عليكم يا جماعه ازيك يا عمي
معلش يا ابني قلقناك كنت خليك نايم قعدت اقول لامك بلاش سيبيه نايم ما رضيتش
احمد
لا ازاي يا عمي مش لازم اشوفك انا قلت بس اغفل شويه كده على ما تيجي ازيك يا محسن ازيك يا طنط
نجلاء بضيق
الحمد لله
محسن
احم الحمدلله انا كويس انت عامل اية
نجلاء
بس انت مش كنت مخطوبه يا بت يا ساره ما كملتيش ليه الخطوبه
قسمه ونصيب ما اتفقوش سوا
نجلاء
ويا ترى بقى هو اللي سايبك ولا انت اللي سايبه اعتقد هو اللي سايبك
ساره بصيت لها بدموع
صفاء بعصبيه
ليه يا حبيبتي ما تكونش بنتي فيها حاجه وانا ما اعرفش بقوللك ايه انتي من ساعه ما ډخلتي وانا حاسه كده انك مش طايقه حد فينا وعماله بترمي كلام ما لوش
