جبروت حماتي وجوزي عليا _كاااااااامله

وبعدين بصلها وقال...
ادهم _
منظر الاكل فتح نفسي بسرعه بقي جهزيلي الغدا...
شهد _
حاضر من عينيا..
ادهم وهو بيطلع موبيله _
تسلم عينيكي يا شهد..
_بصتله شهد بسرعه وقالت لنفسها هو لسه في ناس محترمه وطيبه زي ادهم كده وبعدين سمعته وهو بيتكلم في التليفون وبيقول...
ادهم _
يعني ايه يا سمر ازاي هتسيبي الشغل دلوقتي طيب مين هيمسك شغل العياده عندي ويظبط الكشوفات هو انا لسه هدور علي وحده اقفلي يا سمر انا هتصرف...
_جهزت شهد الغدا وجه ادهم وبدأ ياكل وبعدين بصلها وقال بهدوء...
ادهم _
تسلم ايدك يا شهد الاكل حلو اوي...
شهد _
شكرا ممكن سؤال يا دكتور ادهم..
ادهم _
طبعا اتفضلي اسألي ياشهد...
شهد _
انا سمعت حضرتك وانت بتتكلم في الفون من شويه واسفه اني سمعت من غير مقصد..
ادهم _
اتكلمي علي طول يا شهد في ايه..
شهد _
انا بصراحه كنت بدور علي شغل احسن من هنا انا معايا دبلوم تجاره وممكن امسك لحضرتك الشغل في العياده ده لو معندكش مانع بس اسيب الشغل في البيوت انا مش حابه الشغل ده...
ادهم _
طيب ليه اشتغلتيه مدام مش بتحبيه اووي كده..
شهد بدموع _
حماتي هي اللي خلتني اشتغل فيه...
ادهم _
نعم انتي متجوزه يا بنتي انتي صغيره اووي علي الجواز والشغل هنا والشغل عندي كمان..
مسحت شهد دموعها وردت عليه _
نصيبي كده بقي يا دكتور...
ادهم _
بصي انا مستعد اشغلك معايا بس بشرط...
شهد بحماس _
خير...
ادهم _
تقعدي تتغدي معايا وتحكيلي كل حاجه عن حياتك ممكن...
شهد _
انا هحكي لحضرتك كل حاجه بس مش هقدر اكل...
ادهم 
يبقي خلاص مفيش شغل...
قعدت شهد بسرعه وقالتله _
انا اصلا جعانه جدا...
ضحك ادهم وقالها _
هههههه سامعك يا شهد اتكلمي...
_حكتله شهد كل حاجه حصلت معاها من يوم ما خلصت المدرسه لحد ما اتجوزت سعيد من شهر واللي عملته فيها حماتها وكمان اللي حصلها في الشغل الاولاني...
ادهم _
عايزه رأيي..
شهد بحزن _
ياريت..
ادهم _
اطلقي منه..
شهد _
واروح فين بس اهلي مش هيقدرو يشيلو همي هقعد في الشارع...
ادهم _
بلاش تخلي خۏفك يبوظلك باقي حياتك كفايه اللي خسرتيه انا مطلق علي فكره وعندي بنت عايشه مع مامتها في امريكا انا طلقتها لما بس لقيت نفسي هعيش باقي حياتي في نكد اشتريت راحتي...
شهد _
انا مش زيك...
ادهم _
لا زيي انتي هتشتغلي عندي وانا هديكي دفعه مقدمه واشتري شقه صغيره علي قدك ايجار حتي وعيشي حياتك لوحدك بعيد عن اهلك وبعيد عن العيل ابن امه اللي اسمه جوزك ده وحماتك الحربايه...
_ مشيت شهد وكلام ادهم مش طالع من بالها مع انها مش واثقه فيه لسه بس قررت انها تعمل زيه تريح نفسها ومتهينش كرامتها تاني عشان اي حاجه...
_دخلت شهد البيت واول ما شافت سعيد راحت وقالتله بعصبيه...
شهد _
طلقني...
سعيد ببرود _
هي القطه طلعلها ضوافر وبقيت بتخربش...
شهد پحده _
القطه دي تبقي انت يا دلوع ماما بقولك طلقني مش انت مكنتش عايز تتجوزني ريح نفسك بقي وطلقني...
سعيد _
امي تقولي اطلقك هطلقك وياريت تقول كده عشان اخلص....
شهد_
بس كده من عينيا...
_راحت شهد كلمت حماتها وقالتلها تطلعلهم وطلعت حماتها وقالت...
ام محمد _
خير يا بت انتي جيباني علي ملي وشي كده ليه..
شهد _
انا مش هنزل شغل تاني ويا اقعد في بيتي متستته اكل واشرب واخد مصروف لبيتي ومحدش يبقي ليه كلمه عليا غير جوزي يا اطلق...
ام محمد پحده _
والله وطلعلك صوت يا رباية الجوع انتي ارمي عليها اليمين يا واد يا سعيد البنات علي قفا من يشيل مش واقفين عليها يعني...
_فعلا اتطلقت شهد ومحدش من اهلها حضر الطلاق وكان المؤخر قليل فأخدته ومشيت ولقيت نفسها من غير ما تحس راحت لادهم اللي اول ما فتح الباب وشافها اتفاجئ وقال..
ادهم _
شهد انتي نسيتي حاجه ولا ايه..
ضحكت اووي وقالتله وهي مبسوطه جدا_
انا اتطلقت يا دكتور ادهم انا عملت زيك واشتريت راحتي...
فرح ادهم اووي ورد عليها وقال _
طيب استني شويه هغير هدومي وجايلك..
شهد _
لا تيجي فين انا مروحه عند بيت اهلي بس معرفش ليه جيت وقولتلك الخبر ده من فرحتي مش عارفه انا عملت ايه...
ادهم بجديه _
مش هترجعي بيت اهلك انا هاخدك وهنشوف شقه صغيره الاول وبعدين روحي لبيت اهلك وانتي واقفه علي رجلك مش محتجالهم فاهمه...
_قالته حاضر ودخل هو غير هدومه بسرعه ونزلو
دورو علي شقه ايجار علي قدها وبعدها بدأت شهد شغل معاه....
_وعدت فتره قربت هي وادهم اووي من بعض وهو حبها جدا ولقي فيها اللي ملقهوش في مراته الاولي وهي برضو لقيت سند ليها بعد ربنا بجد حتي انها حمدت ربنا انها اتجوزت في الاول من سعيد عشان كان سبب انها تتعرف علي ادهم...
_ورسالتي في الاخر ليكم يا اخواتي هي الرضا والصبر وفي نفس الوقت متجيش علي نفسك عشان ترضي حد اختار راحتك وارضي باللي ربنا قسمه ليك من غير ما تيجي علي حساب نفسك..