الميراث _ كاااااااامله
الكبيره والصغيره وانا مركون علي الرف..
مروه بسخريه
مش يمكن عشان يحيى مش بيمسك مراته وبيفضل يقول ليها ابوكي وامك واللي جابوكي..
سمير
انا داخل انام انتي الكلام معاكي زي قلته.. واوعي بعد كده تصحيني وتقولي ليا ابويا تعبان ولازم نروح ليه المستشفي. اصله تعبان
مروه
ابقي روح بقي قول كده قدام ابويا مش ازل ما تشوفه ابويا حبيبي وسلامتك وجو المجن بتاعك.. ادايق سمير ودخل جوه ومروه كلمت مني وقالت..
قولي ليا يا مني هو يحي ما كانش قال ليكي علي اللي ناوي يعمله ابويا..
مني
لا والله يا مروه ما كانش قال ليا انا عرفت انه بعرف دلوقتي لما جينا البيت..
مروه
طيب والنبي قولي ليحيى بعد كده يحاول لما تبقي حاجة بينه وبين ابويا يداريها خالص عن سمير انتي عارفااه هو طيب بس غيار شويه..
مني
فهماكي يا حبيبتي وانا عارفه انه هيفضل يتكلم معاكي وينكد عليكي..
اديكي قولتي المهم انتي ناويه تعملي ايه بالفلوس اللي معاكي دلوقتي..
مني
بقول ليكي ايه بس عشان العيال دلوقتي محتاجيني معاهم بس بكره هبقي اعدي عليكي اول ما اوديهم المدرسه..
مروه
خلاص بالمره نروح عند بابا انتي عارفه اللي حصل النهارده مش كويس علي صحته..
مني
ماشي يا حبيبتي نتقابل بكره مع السلامه.. وتاني يوم في شغل الاب..
كده كل الاوراق جاهزه يا حج هسيبها ليك تراجعها الاول وبعدين اجي ليك عشان تمضي عليها..
الاب
انت راجعتهم ولا لسه..
يحي
ايوه يا حج بس انت لازم برضو تراجعهم و..
الاب
هات بس امضي وبلاش كلام كتير هو انا بقي فيا نظر اراجع كل ده اومال انت لازمتك ايه..
يحيي ابتسم
ربنا يديك طولت العمر ويبارك لينا فيك يا عمي... ودخل سمير وقال
صباح الخير يا حج انا اسف والله علي التاخير بس بنتك سابتني اوصل العيال المدرسه وراحت لحضرتك البيت..
يحيي
ايوه يا عمي احنا هنتقل عليك بقي ونتغدي عندك النهارده..
الاب فرح وقال
تتقلو ايه بس هو انا اللقمه بتبقي حلوه في بوقي غير لما بتبقوا كلكم قدامي ياريت ولادي زيكم كده..
يحيي
ربنا يهديهم بقي يا حج... دخل رؤوف وقال بعصبيه..
ويهدينا ليه يا استاذ يحيى ايييه شايفنا مجانين ولا ايه..
الاب پحده
انت داخل تزعق ليه كده يا ولد انت وطي صوتك انت فاهم ولا لا..
يحيي
اهدي يا حج عشان صحتك وانا اسف يا رؤوف حقك عليا يا عم وربنا يهدي الجميع لله..
سمير.
اقعد بس يا رؤوف نورت الشركه والله تحب اجيب ليك ايه تشربه..
انا مش جاي اضايف يا سمير انا جاي في ملكي واتعودو بعد كده انا انا اللي هشوف الشغل مع ابويا وانتو شوفو شغلكم في اي حاجه تاني في الشركه مفهوم يا استاذ يحيي....
يحيي
والله يا رؤوف كلامك علي راسي بس انا مش هعمل حاجه غير بعد اذن الحج..
رؤوف پحده
انت نسيت نفسك ولا فاكر انك انت اللي صاحب الشركه لا فوق انت حتت موظف في ملكي انا واخويا...
الاب بجمود
خلصت قلة ادب وبلطجه ولا لسه يا دكتور يا محترم..
رؤوف
انت اللي اجبرتني اتعامل كده لما تاخد حقي وحق اخويا وتديه للاغرااب..
الاب وقف وزعق فيه
لحد هنا وكفايه حق ايه يا ابو حق دي فلوسي انا وانا ما خرفتش ولا روحت عشان تيجي تورثني وبعدين حلوه اووي الشركه اللي لساني نشف عليك انت واخوك عشان تيجو تمسكوها معايا وكنتو رافضين ولما جواز اخوتكم جم مكانكم وشالوني علي كفوف الراحه وكبرو الشركه معايا جايين عايزين تنهشو في شقاهم وحق اخواتكم البنات.
رؤوف بجمود
ما حدش ليه حق عندي المال ده بتاعي والفلوس دي بتاعتي انا وما حدش منهم هياخد قرش واحد وقبل
