قصه حماتي كاااااااامله

وبعد شويه كانت علا وخالد طالعين من البيت وهما بيضحكو ومبسوطين وكانت فاطمه بتبص عليهم من الشباك وهي متغاظه وقلبها مليان حقد وقفلت الشباك ودخلت قالت بعصبيه لشروق اللي كانت قاعده بتاكل بنتها قدامها..

فاطمه 

شايفه يا شروق وكمان واخدها ومخرجها ولا كأن حاجه حصلت...

شروق بغيظ 

لا وكمان لما دافع عنها علي الغدا ازاي شوفتي يا فاطمه..

فاطمه بعصبيه 

شوفت ياختي شوفت ما هي خدت احسن واحد فيهم شخصيه وشغل كويس واكتر واحد بيدفع في مصروف البيت وانا اخد حسن اللي ديما محطوط علي وضع الصامت حتي لو حد اقل مني قدامه 

مبيتكلمش ومش كفايه كمان متحملاه علي عيبه وانه مش بيخلف..

اتنهدت شروق وقالت 

ومين سمعك والنبي لو كنت انا اللي عملت حركة الشطه دي كان سيد خلاني كلت الاكل كله غير قلة القيمه اللي هاخدها بقي احنا نتمرمط كده وحتة عيله مفعوصه زي علا تدلع وتتشال علي الراس وتاخد خالد...

فاطمه 

هو احنا هنقعد نلطم ونندب حظنا كده وهي شويه شويه هتبقي الكل

في الكل...

شروق 

وحنا في ايدينا ايه نعمله وجوزها علي طول في صفها...

فاطمه بخبث 

عيب عليكي تقولي كده ل فاطمه اللي الدنيا علمتها بزياده ده انا هعمل وهعمل كتير..

شروق بحماس 

بس قوليلي الاول بوظتي الاكل بالشطه ازاي..

فاطمه 

انا وبرغي معاها غفلتها وعملت اللي عملته في الاكل...

ضحكت شروق وقالت 

ههههه والنبي يا فاطمه انا بخاف منك واخاڤ ازعلك. انتي ايه يا بنتي دماغ شياطين...

فاطمه 

انتي رايحه فين دلوقتي..

اتنهدت شورق وقالت 

هنزل اشوف الهم اللي ورايا تحت لحسن لو اتاخرت اكتر من كده سيد هقلب الليله فوق دماغي..

فاطمه 

انزلي انتي وانا هروح امسي علي حماتي واحكي معاها شويه علي الست علا..

شروق 

قصدك تسخنيها علي علا..

ضحكت فاطمه وقالت بخبث 

ههههه بالظبط كده يا شوشو....