قصه حماتي كاااااااامله

شويه فتحتلها علا وهي لابسه روب طويل فبصتلها محسان پحده وقالت..

محاسن 

ايه يا بت اللي انتي لابساه ده...

ردت عليها علا وقالت 

وماله بقي اللي لابساه يا حماتي ده روب طويل ومقفول...

محاسن 

لا يا حبيبتي احنا هنا معندناش المسخره دي شايفه سلايفك لابسين ايه انا بقي عايزاكي تلبسي زيهم..

اتنهدت علا وردت عليها وقالت 

حاضر يا حماتي لما ابقي انزل تحت ابقي البس اللي انتي عايزااه تعالي اتفضلي جوه خالد نزل شويه وجاي..

محاسن 

لا يا حبيبتي انتي اللي هتتفضلي عندنا تحت كفايه بقي دلع وانزلي شوفي اللي وراكي..

علا 

هو ايه اللي ورايا بالظبط..

بصتلها محاسن من فوق لتحت وقالت 

لما تنزلي يا حبيبتي هتعرفي..

قالت محاسن كلامها ونزلت تحت ولقيت شروق شايله بنتها وقاعده وفاطمه قاعده جنبها وسالتها فاطمه وقالت..

فاطمه 

اوعي تكوني زعلتيها يا حماتي هزعل منك والله..

محاسن 

بس يا فاطمه ده انا شكلي خيبت وانا بنقيها لابني المسهوكه دي البنت طريه في نفسها كده لا انا ما يعجبنيش الحال ده..

بصت فاطمه وشروق لبعضهم بخبث وسكتو وبعد شويه نزلت علا وكانت لابسه عبايه بيتي بس شكلها حلو اووي خلت فاطمه تبصلها وهي متكاده وقالت علا بهدوء..

علاء 

اديني جيت اهو يا حماتي خير بقي في ايه..

محاسن 

سنه عشان تنزلي بقالك شهر متجوزه ولسه بتتدلعي علينا...

اتنهدت علا وردت عليها 

وانا اتدلعت فين بس يا حماتي...

محاسن 

خلاصة الكلام ادخلي اغسلي الاحمر والاخضر اللي في وشك ده وادخلي جهزي الغدا يلا...

علا 

طيب..

دخلت علا المطبخ وقربت شروق من فاطمه قالتلها بشماته..

شروق

البت دي هبله ومش هتسلك مع حماتك..

فاطمه 

ما انتي كنتي زيها لما انا جيت لولا اني خليتك تاكلي بعقل حماتك حلاوه كان زمانك في نكد...

شروق 

طيب واشمعنا علا مش راضيه تساعديها وعماله من صباحية ربنا تسخني في حماتك عليها..

فاطمه بغل 

مش ناسيه يوم فرحها وكل اللي يشوفها يقول احلي وحده فيهم هي وانا محدش يبقي احلي مني يا شروق...

شروق 

وهي سايقه فيها من يوم ما جات هنا وهي كل لابسه وحاطه مكياج شوفتي العبايه اللي نازله بيها هنا دي قاصده تكيدني انا وانتي..

فاطمه 

والله لاخليها ټندم علي اللحظه اللي نزلت بيها عندنا...

بعد شويه كانت علا مشغله اغاني وبتطبخ في المطبخ فدخلت عندها فاطمه وبصتلها بغيظ وبعدين راحت ووقفت جنبها وقالت بخبث..

فاطمه 

تحبي اساعدك في حاجه يا لولو..

ردت عليها علا بهدوء وقالت 

شكرا يا فاطمه عايزاكي طيبه هو احنا كل يوم وحده هتجهز الاكل..

ردت عليها فاطمه بهدوء 

ايوه كل يوم واحده تمسك البيت هنا بس تجهز غدا وتحضر المطبخ بس حماتي بقي ااا..

علا بقلق 

مالها حماتي..

فاطمه 

يعني هي سعاد بتستكردنا وبتفضل تدينا حاجات زياده والله لو عليا مش مهم بس كل اللي حاسس في نفسي البت شروق دي لا ملاحقه