قصه حماتي كاااااااامله

محاسن 

بقولك ايه يا خالد عايز ترجع مراتك يبقي تخليها تعتذرلي وكمان تبوس رجلي غير كده يبقي يفتح الله..

خالد بضيق 

ايه بس الللي بتقوليه ده يا امي بقي علا تستاهل منك كده..

محاسن بسخريه 

وايه يعني علا دي متسواش في سوق النسوان بصله احنا اللي عمنالها قيمه يوم ما اتقدمنا ليها وخلناها تدخل بيتنا وتعيش وسطينا ويا تجيبها تبوس علي رجلي يا تطلقها..

وقبل ما نبدأ حكايتنا اعرفكم علي بطلتنا الست محاسن اللي عندها ٦٠ سنه وجوزها راح وهي صغيره وكان معاها تلات اولاد كبرتهم وعملتلهم شقق فبيتها وشقيت عليهم بس لما اتجوزو حصل...

محاسن 

بت يا شروق انتي ياا بت..

ردت عليها شروق مرات ابنها الكبير وقالت 

ايوه يا حماتي في ايه..

محاسن 

مجهزتيش الغدا ليه انتي وفاطمه ايه مستنيني اديكم الاذن...

اتنهدت شورق وقالت 

احنا مش هنجهز غدا النهارده يا حماتي..

محاسن بغيظ 

ليه يا اختي اومال رجالتكم اللي شقيانه دي هتيجي تاكل ايه خيبتكم مثلا...

طلعت فاطمه مرات ابنها الوسطاني وقالت پحده 

استني انتي يا شروق انا اللي هرد عليها...

محاسن 

في ايه يا بت منك ليها متتكلمو علي طول..

ردت عليها فاطمه وقالت 

هو انتي ليه يا حماتي بتفرقي بين مرتات ولادك في المعامله..

محاسن 

انا يا بنتي اخص عليكي ده انا بقول ربنا رزقني بست عيال مش بتلاته..

شروق بسخريه 

اومال ليه بقي مشغلانا عند الست علا وهي قاعده مرتاحه واحنا اللي شايلين البيت..

ردت عليها محاسن بضيق وقالت 

يا بنتي دي عروسه ومن حقها تدلع يومين وبعد كده هقسملكم شغل البيت عليكم..

قعدت فاطمه جنب حماتها وقالت بخبث 

يا ماما انتي عارفه اني اكتر وحده بحبك وبعملك كل اللي عايزاه فاكره لما كنتي تعبانه مين قعد تحت رجليكي في المستشفي..

محاسن 

الشهاده للحق محدش عمل معايا اللي انتي عملتيه وحتي البت شروق شالتني علي كفوف الراحه..

فاطمه 

وعشان كده احنا بنتكلم علي مصلحتك خالد ابنك الصغير ومدلع شويه وممكن البت علا تاكل دماغه انتي مش شايفه مقعدااه عندها في الشقه ومش مخلياه ينزل حتي ياكل معانا مع اننا بيت عيله في بعض..

كملت شروق كلام فاطمه وقالت 

ايوه يا حماتي فاطمه معاها حق دي فاطمه تاني يوم جوازها جابت حسن ونزلت فطرت معانا وجهزت معانا الفطار فاكره ولا لا..

محاسن بضيق 

فاكره بس انتو بنات اصول انما هي دي اتربت من غير ام واب وخالتها اللي مربياها متعرفش معني الاصول ولا الاحترام..

فاطمه وهي بتمثل الحزن 

وانتي هتسكتي يا حماتي لو انتي هتسكتي يبقي انا وشروق مش هنعمل حاجه في البيت تاني...

شروق 

ايوه يا حماتي لتكون هي بنت ناس واحنا لا يعني..

محاسن 

لا ده حال ميتسكتش عليه وسعي كده انتي وهي انا طلعالها وهتصرف معاها...

خبطت محاسن علي باب شقة مرات ابنها خالد وبعد