قصه شقيه
يوميات عريس وعروسه كامله
عروسة بتحكي قصتها مع خطيبها و نظرها ضعيف
بتقول انا بسم الله ما شاااء الله عليا نظر
نظرري فظييييييييييييييع لدرجة اني مش بشوف
انا بلبس نضارة وخطيبي شافني بيها اصللا ولما جيه يتقدم دخلت بيها وكده المهم انه اصلا متقبل شكلي بالنضارة جدااااااااااا واخد عليها
ربنا كرمني وروحت الكوافير طبعا قلعت النضارة عشان الميك اب
خلصت وخرجت بئا والعرايس كلهم قعدوا يقولولي ما شاء الله وزي القمر وكده
اني اشوف حاجة في المراية ابدااااااااااا
خرجت سالت صحبتي قالتلي يا بنتي والله العظيم تحففففففففففة
قلت طيب قعدت استني العريس اللي اخواتة نصهم دكاترة رمد اصلا
قولتلها هو مين ده قالتلي خطيبك يابت
قولتلها هو فين
البت صوتت في وشي وقالتلي هو اللي معاه الورد ده
قولتلها مش هو يابت قعدت تقولي والله هو وعمال يبصلك مع العلم انها معرفتها بيه كلها صورة
المهم قعدت احلف لحد ما جالي وقف قدامي وانا متنحة وعايزة اقولة مين حضرتك
طبعا اقتنعت انه المحروس خطيبي
اخدت الورد وخرجت وانا مش شايفة ايوتها حاجة
المهم نزلت من الكوافير وجيت اركب العربية اخدت خبطة في دماغي كادت ان تقضي علي سقف العربية ..
قالي براحة يا حبيبتي قولتلة مش تقولي انزل راسي شوية
اخوة ضحك وقالة يا عيني علي حظك يا اخوياااااااا
وكنت بتعرف عليهم من اصواتهم ذات الترددات العالية التي تصل الي سمعميت الف هيرتز
المهم اني قاعدة مفتحة عين ومغمضة عين شبة انثي البط العمشاء
وكل ما حد يسلم عليا اعمل نفسي اعرفة و ابتسم وربنا ساترها معايا
اوووووووووووم ايه بئا لقيت شاب غير محترم بالمرة جة سلم عليا
اسكت انا بئا لالالالالالالالالالالا روحت سالت خطيبي قلتلة من البني ادم ده وبعدين ازاي يسلم عليا اصلا وانت لا
لقيت خطيبي بيقولي يا سووووووووووووووووووواد الحلل يا مصېبتي السودة يانا ياااااااااااما
ده اخويا اللي كان معايا يوم الاتفاق واللي جابنا من الكوافير بالعربية
واللي ............
طبعا صوتة غطي علي كل الناس ولقيت الناس ميتين علي نفسهم من الضحك
وانا طبعا عملت نفسي بهزر وقلتلة والله دمي خفيف
وقعدت اضحك انا كمان والمشكلة اني اقسم بالله ماشوفتش نفسي بعدها غير في الصور
وجت اختة ربنا يكرمها تسلم عليا قولتلها عقبالك متجوزة وعندها 4 اطفال اكبرهم 13 سنة
ماټت علي نفسها من الضحك وقالتلي انا عرفت اخويا بيحبك ليه
قولتلها ليه قالتلي عشان مش هتشوفي حد غيرة قولتلها والله ما شوفته..
تمت
