ابنى فى عيد الام عمل

ابني في عيد الام عمل فيا حاجه تغضب ربنا 
انا فاطمة وعايشة في الارياف واتجوزت في سن صغيرة وجوزي محمد كان طيب اوي وبعد شهرين من الجواز كانت حماتي
بتقولي انه لازم اخلف بسرعة 
ام محمد
قوليلي يا فاطمة مش حاسة بحاجة نفسك غامة عليكي او تايخة او اي حاجة
فاطمة
لا والله يا حماتي وبعدين انا لسه متجوزة ليا شهرين ولسه العمر قدامنا

ام محمد
كل اللي بتقوليه دا كلام فاضي المهم عندي انك تخلفي بسرعة وبعدين في بنات كتير يا حبيبتي بتحمل من اول ليلة اما اللي عندها عيب ده بيبقي باين
ولما رجع محمد من الشغل
فاطمة حمدالله على سلامتك يا حبيبي اتاخرت ليه كده
محمد 
معلهش كان عندي حصص زيادة في المدرسة وتفتيش وشوية تعب كده
وانتي مالك متغيرة ليه
فاطمة 
لا ما فيش حاجة من شغل البيت وانا كنت سهرانة باليل وعايزة انام
محمد
يا سلام هو انا مش عارف مراتي يا فاطمة انا افهمك من نظرة عينكي واحس بيكي 
من غير ما تتكلمي
فاطمة 
انا عايزة اروح اكشف عند الدكتور واطمن ان كنت بخلف ولا لا وعشان خاطري ما ترفضش
محمد
هو امي اكيد اتكلمت معاكي في الموضوع يتاع الخلفة بس احنا لسة متجوزين قريب يعني لو روحنا للدكتور هيضحك علينا
فاطمة 
عشان خاطري يامحمد اروح اطمن علي نفسي وبعد كده مش هاقولك اطلع من البيت
محمد
طيب قوليلي لو طلع عندي حاجه تمنع الخلفة هتكمل حياتك معايا ولا هتختاري الطلاق عشان تشوفي حياتك
فاطمة 
والله انا مش علي الخلفة والعيال اصلا انا عايزة اطمن امك لانها خاېفة اكون مابخلفش لكن لو في حاجة عندك انا عمري ما هسيبك
محمد
خلاص يا فاطمة انا هاخدك ونروح عند دكتورة كويسه اوي وهناك ان شاءلله هانطمن وبعد كده مش عايز اسمع كلمة في الموضوع وهاقول الكلام ده لامي
وراح محمد وفاطمة للدكتور واتفاجئت فاطمة انها حامل وراح محمد يفرح امه
ام محمد 
الف مبروك يا ولدي الحمد لله هاشوف ولادك قبل ما اموت وان شاء ربنا يكرمك
محمد
انا نفسي في بنت حلوة كدة وتبقيةحبيبة ابوها
ام محمد
بنت ايه وبتاع ان شاءلله ربنا هيديك ولد يشيل اسمك ويعمر البيت من بعدك
فاطمة 
ويعني هي البنات مش بتشيل هم ابوها وامها وبتكون احن من الواد علي اهلها وبتحن علي اخوها الواد اكتر منه
ام محمد
بلاش منه الكلام الفاضي ده وبعدين خلي بالك من نفسك وصحتك عشان اللي في بطنك
وجه يوم الولادة وربنا كرمنا ببنوتة زي القمر ومحمد سماها ياسمين بس حماتي ام محمد كانت زعلانه
محمد
ايه يا امي انتي مش فرحانة ببنتي دي اول فرحتي وانا بصراحة كان نفسي ربنا يكرمني ببنت اول خلفتي
ام محمد
طيب الحمدلله ربنا عطاك اللي نفسك فيه وياريت تدعي من ربنا انه يديك واد يشيل اسمك ويكون سند لاخته
وعدت فترة حوالي سنه ونص وحماتي صممت اني لازم احمل عشان عايز تشوف واد لابنها وفعلا حملت بسرعة وكانت ياسمين صغيرة وخلفت بنوته تاني ومحمد كان فرحان اوي بيهم وعالطول بيقول الحمدلله على النعمة دي البنات رزقها واسع وهم الؤنسات الغاليات 
ام محمد
هو انت فرحان علي ايه بدل الهم بيقوا اتنين يعني الحيطة مالت عليك يا محمد
محمد
اسمعي يا امي الكلام ده انا ما بيحبش اسمعه انا بناتي عندي بالدنيا كلها ماشي واللي يفرحهم يفرحني واللي يزعلهم يزعلني دول حته مني يا امي
ودخل محمد عند مراته فاطمة عشان يطمن عليها وعلي بنته اللي سماها فرح 
محمد
عاملة ايه يا فاطمة يا ام اغلي البنات ايه القمرات انا عندي بنات زي القمر ربنا هيكرمني بيهم وليكم والعرسان هتقف طوابير